***He is really exist.Thanks to my Lord Jesus***(IBAN version)
3.02 pagi, 1 Oktober 2009...enda mukai-mukai aku tedani, alu besugang nggau pala engkah atas tilam, aku bendar nyabak. "Tuhan, ampun penyalah aku. Ku nemu ku mensia ti cukup mayuh dosa. Ku sigi nda layak nyadi anak Nuan tang nama kebuah Nuan tetap megai jari, merap nggau nyium aku? Nuan nda layak megai ku Tuhan..ku cukup bedosa. Nama utai kedeka Nuan ari aku? Nama utai ka asuh Nuan digaga aku? Nama reti semua tu? Ku agi nda nemu, Tuhan.??" Nggau sabak-sabak aku terus besampi. "Ku ulih ngasai ke Nuan bisi ngerimbai aku tadi. Enti tu amai-amai ukai mimpi, tulung ku Tuhan, saut meh sampi aku. Bejaku dlm atiku Tuhan. Ku nda puas ati nggau ketiga-tiga mimpi ku ngelamatu ke bisi kaul nggau pengawa Nuan Tuhan. Aku agi kabur nggau semua nya. Ku nda puas ati ga Tuhan nggau semua utai digaga aku, nadai Nuan ngiring nggau nyaup aku. Diatu Tuhan, ku dah sedia ngereja nama utai kedeka Nuan. Dalam nama Tuhan Yesus, aku besampi, amen."
+++++++++++++++++++++++++++dalam mimpi ku malam nya++++++++++++++++++++++++++++++
Aku benung bejalai pulai ari gerija ba menua ku empu. Maya nya baru udah gempuru ari minggu. Aku nda terus pulai ke rumah..ku terus bejalai sambil merap Bup Kudus sampai ku datai ba siti hotel. Aku nda nemu bakani aku tau bejalai sampai datai ba endur ke nda temu ku nya. Tang meh ku asai ke dah teleba nggau ndur nya. Maya ku benung ba kaunter ka ngambi kunci, dia aku tepeda ke pengajar ku maya secondary skul suba merening ku ari lif hotel nya. Nama kebuah iya merening ku bakanya? Nyau tebelenga ga ku mayanya~~
Enda lama dh nya, enda mukai-mukai hotel ke ndur aku nya baka ke ka runtuh, nyau begegar. Meda tak bakanya tadi, aku lalu jampat-jampat belanda keluar. Baru aja berapa langkah ku dah belanda, dia aku tesedar ke semua bangunan ke peda ku nyau angus siti-siti laban api ti cukup nyelaie dipeda. Maya nya aku nengkadah ke langit alu meda langit tebuka besai nggau api ti cukup nyelaie serta balat mau. Api nya nurun ari langit laju baka kilat alu ngangus ke setiap bangunan, kerita, rumah serta ngangus ke bala mensia ke dipansa langit ke tebuka nya tadi. Ku ulih meda smua utai anhur sekelip mata aja. Din dia aku ninga org nyerauh, nyabak minta tulung. Meda nya tadi, aku lalu belanda penapat inat enggau mata ti pejam ketegal ka lari ari dipansa langit ke berapi nya tadi sampai aku datai ba siti endur ti petang. Dini endur aku tu???
Dalam pemetang nya...nda mukai-mukai api putih ti cukup terang mancar. Cukup silau ku laban api nya tang meh laban ati ku majak ngasuh ku meda nama nda utai nya. Nggau belubah ku meda 3 orang laki ngena jubah putih jalai belubah nuju aku. Siko ari sida 3, buk pandak begelung..ulih peda gamal tuchum meda aku. 1 da gi, nda mukai-mukai nyadi kabus alu nerang ke dunya ndur ku nya, dah nya alu lesap. Laki ke 3 mansang agai ku alu bediri betul-betul ba depan aku. Mua Iya nda dipeda laban kelalu terang api ba mua Iya. "Sapa sida tu?" aku nanya diri empu. Enda ngadang..bisi siti suara ti lantang nda temu ari ni penatai bejaku, "Laki ke terubah dipeda nuan nya, Rasul Paul. Kedua nya Allah Bapa..nya kebuah nuan meda Iya lain ari kebukai. Ketiganya, Yesus Kristus empu." Ku agi bebengap nggau gining-gining ga mayanya laban ke tekenyit ninga ari ni nda penatai suara orang ke bejaku nya. Pemuas bepikir, ku nda pechaya ke utai ti nyadi ba depan ku. "Tu mina mimpi sengapa. Peda meh nama utai ke nyadi dah tu. Nama dah mimpi," aku bjaku kediri tang nemu ga diri benung bemimpi.
Aku meda laki ke disebut "Tuhan Yesus" nya tadi benung berandau nggau siko ari kaban ku ke indu ti rapat diri nggau ku begulai tang ku nda pasti sapa. Dia seduai ya bejaku, ketawa sama-sama ari belakang sduai ya. Pemuas merati ke seduai Iya ke beung berandau, dia meh aku ulih meda pengaga ba mua kaban aku. Nda kala-kala aku meda iya gaga bakanya sepanjai ku begulai nggau kaban ku nya. Pia mega aku meda mua "laki" nya tadi penuh enggau pengelantang. Penuh tanda tanya dalam atiku. Aku bebendar ka nemu sapa "laki" nya kebendar. "Sapa laki nya? Ukai Yesus Kristus udah mati? Nyadi?? sapa "laki" tu deh?" Atiku nyau mayuh betanya. Tekenyit ku laban suara ke didinga ku tadi datai baru. "Nama meh nuan ngiga Iya ti idup ba antara orang ti udah mati? (Luke 24:5). Alai nuan mansang agai Iya. Nya amai-amai Yesus Kristus, Anak Aku." Ai mataku labuh nda badu-badu, nesal... Belubah-lubah aku bejalai nuju seduai Iya ke benung berandau. Aku lalu duduk kira-kira semeter ari Tuhan Yesus..ku ninga Iya becerita tentang pengidup ba serega. Laban kelalu keran ka ninga cerita Iya nggau tekait ati meda chara Iya ti lemah lembut, dia aku lalu nanya Yesus, "ulih aku duduk ngimbai Nuan?" Iya merening aku nggau tuchum ti pemadu manis, "Kitu meh. Duduk ditu." Yesus ngulur ke jari Iya ngagai ku. Aku nyambut jari Iya nggau cukup pengaga sambil duduk ngimbai Iya. Maya nya aku ngasai cukup lantang, Tuhan Yesus engkah jari Iya ba atas bahu aku baka Iya ngaga kaban ku nya tadi. Mayanya, dia Yesus mayuh ngajar aku. "Apai indai nuan cukup sayau ke nuan. Pulai ngagai nuan empu ka nentu ke tuju idup nuan ngambi ke ulih ngasuh seduai iya gaga serta lantang ati enti meda nuan mujur. Jadi meh anak ti ngasi ke apai indai. Sabar nggau semua penguji ba dunya tu. Sitan sigi gaga enti meda mensia labuh ngaga penguji. Dia sitan deka bekuasa nesat ke mensia. Mayuh besampi nggau dinga jaku Tuhan kena nyadi ke penenggau idup nuan. Peda nuan nyin..." Tuhan Yesus nunjuk ke Rasul Paul ti benung besampi ke siko apai tuai ti bisi sakit. Maya nya meh aku meda Rasul Paul engkah jari kanan iya ba bahu apai tuai ke sakit nya lalu besampi di dalam nama Tuhan Yesus. Apai tuai nya tadi alu tekala nya suman. "Bakanya chara nuan besampi ke orang ti sakit. Engkah jari atas sida, besampi nggau penuh arap nggau pechaya meh nggau kuasa Tuhan. Roh Kudus deka beserta nggau penuh dalam nuan. Besampi ke semua orang." Yesus Kristus nambah agi sambil tuchum merening aku. Ku lalu ngangguk tanda mereti utai ko Iya.
"Aram kitai bejalai ba pantai." Tuhan Yesus mai kami duai. Mata panas nyau ka padam da mayanya. Yesus megai jari kami duai sambil bejalai ba sepanjai pantai. Kami becerita, ketawa sama-sama. "Udah laun diatu. Ingat Vic, utai ke dipeda nuan terubah tadi nya tanda ujung dunya ila. Terus ke besampi...selamat ke mayuh agi nyawa. Ingat semua nama utai ke udah dipadah ke Aku. Anang sesekali nyerah. Nuan mesti sampai ba adan. Aku nganti nuan. Aku sayau ke seduai. Anang ngasa ke Aku."
"Bai ku nggau Nuan Tuhan. Aku ka nggau Nuan. Enggai ku tinggal ba dunya tu." Aku alu nyabak laban nemu Yesus ka pegi. Terus ku nyapai alu narit jubah Iya laban nda ngasuh Iya pegi. Nyau teduduk ku pemuas ku nyabak, langsung nda ulih ngasai ke kaki ku agi. Jari ku agi ngenggam jubah Iya. Tuhan Yesus duduk lalu megai bahu aku. Iya nyium aku ba kening. "Ukai maya nuan nitih ke Aku maya tu. Selamat ke mayuh agi mensia. Aku deka datai baru. Sedia aja nggau mayanya. Pasti ke mayanya nuan nitih & tinggal nggau Aku." Aku nyau nda ulih nagang diri agi ari nyabak maya meda Tuhan Yesus ngeleka ke jari Iya ari aku. Langit dipeda aku tebelah dua. Mayanya meh ku meda Tuhan Yesus nggau Rasul Paul belubah terbai ke langit ti tebuka nya tadi sampai enda dipeda aku agi. Langit nyau tutup lalu keadaan pun baka selama.
Aku nyabak nggau terus nyabak..laban aku sigi keran ka nitih ke Iya. Bendar kaban ku mujuk aku~ Aku merening ke langit nggau penuh pengaga dalam ati laban Tuhan Yesus mantai kediri ba mua aku tajapan ai mata ku nda ngetu labuh.
+++++++++++++++++++++++++++++++++++++++++++++++++++++++++++++++++++++++++++++++++++++
Aku nyau tedani cun-cun jam 3.02am....nggau ai mata. Ndang ku bendar nyabak...||pulai ngagai perenggan 1 tadi||
Aku ulih ngasai ke tu lebih ari mimpi laban sampai diatu aku agi ulih ngasai ke keadaan nya. Aku nyau lelengau ke maya ku berandau nggau Iya, bejalai ba pantai, Yesus megai jari aku nggau nyium kening aku. Nadai kala ku ngasai ke ati ti chukup lantang maya ku berandau nggau Iya. Diatu, pengarap aku ba Tuhan Yesus makin dalam. Terima kasih Tuhan laban datai dalam pengidup aku. Aku cukup gaga serta lantang ati laban nyadi siko ari orang ti nitih ke Tuhan Yesus. Haleluya...puji nggau sembah semina ngagai Tuhan ti aku sembah siko aja, Tuhan Yesus..amen.
ROMA 11:36
"Sebab segala sesuatu adalah dari Dia, dan oleh Dia, dan kepada Dia: Bagi Dia kemuliaan sampai selama-lamanya."
No comments:
Post a Comment